സിറിയയില് അമേരിക്കയുടെയും റഷ്യയുടെയും മധ്യസ്ഥതയില് നിലവില് വന്ന വെടിനിര്ത്തല് ലംഘിക്കപ്പെട്ടു. താല്ക്കാലികമായെങ്കിലും കഴിഞ്ഞ അഞ്ചുവര്ഷമായി സിറിയയില് തുടരുന്ന ദയാരഹിതമായ രക്തച്ചൊരിച്ചിലുകളും അഭയാര്ഥിപ്രവാഹവും തുടരുക തന്നെ ചെയ്യും.
സെപ്റ്റംബര് 17ന് അമേരിക്കയുടെ വ്യോമസേന ഐ.എസ് കേന്ദ്രങ്ങള് ആക്രമിക്കുകയെന്ന പേരില് ബോംബിട്ടത് ബശ്ശാറിന്െറ സൈനികര്ക്കുനേരെ ആയിരുന്നെന്നും വെടിനിര്ത്തല് കരാറില്നിന്ന്് പിന്മാറുകയാണെന്നും പ്രഖ്യാപിച്ചുകൊണ്ട് അലപ്പോയിലേക്ക് അവശ്യവസ്തുക്കളുമായി പോകുകയായിരുന്ന സന്നദ്ധ സംഘങ്ങളുടെ വാഹനങ്ങളെ ആക്രമിച്ചുകൊണ്ട് സിറിയന് സേന പുതിയ യുദ്ധത്തിന് തുടക്കം കുറിച്ചിരിക്കുന്നു. സിറിയന് പ്രസിഡന്റ് ബശ്ശാര് അല് അസദിന്െറ സേന റഷ്യന് സൈന്യത്തിന്െറ പിന്തുണയോടെ കിഴക്കന് അലപ്പോയിലെ ആക്രമണം ശക്തമാക്കി.
വെടിനിര്ത്തലിന്െറ പരാജയം തെളിയിക്കുന്നത് സിറിയയിലെ പൗരസമൂഹത്തെ സംരക്ഷിക്കാനോ അവര്ക്ക് സുരക്ഷ നല്കാനോ ആര്ക്കും സാധ്യമല്ളെന്നുതന്നെയാണ്. ബശ്ശാര് അല് അസദിനെ യുദ്ധക്കുറ്റവാളിയായി പ്രഖ്യാപിക്കാന് യു.എന് അടിയന്തര രക്ഷാസമിതിക്ക് സാധിക്കുമോ എന്ന ചോദ്യത്തില് അടങ്ങിയിരിക്കുന്നു സിറിയന് പ്രതിസന്ധിയുടെ പരിഹാരത്തിന്െറയും ഉത്തരം
No comments:
Post a Comment