ദേശീയ പ്രാധാന്യമുള്ള ദിവസങ്ങളിൽ സർക്കാർ ജോലിക്കാർ
വീട്ടിലിരിക്കുന്നതെന്തിനെന്ന് ഹൈക്കോടതി. അവധി ദിനങ്ങൾ കുറയ്ക്കുവാനും,
ജോലി ദിനങ്ങൾ കൂട്ടുവാനും കഴിഞ്ഞ ദിവസം ശമ്പള കമ്മീഷൻ ശുപാർശ ചെയ്യുകയും
ചെയ്തു.
സർക്കാർ ജോലിക്കാർക്കാണ് അവധിയുടെ ആനുകൂല്യം ലഭിക്കുന്നത്.
മറ്റുള്ളവർക്ക് ജോലി ചെയ്യാതെ കഴിയില്ല. അവധി വിദ്യാർത്ഥികളിൽ
അടിച്ചേൽപ്പിക്കുമ്പോൾ അധ്യാപകർക്കും ലഭിക്കുന്നു. കേരളത്തിൽ വർഷത്തിൽ 170
ദിനമേ അധ്യാപനം നടക്കുന്നുള്ളൂ. അംഗീകൃത അവധികൾക്കും, ഞായറാഴ്ചകൾക്കും
പുറമേ 30 ദേശീയ അവധി ദിനങ്ങൾ കേരളത്തിലുണ്ട്. അവധി പലപ്പോഴും അവകാശമായി
കാണുന്നു എന്നതും ദു:ഖകരമാണ്.
ഡോ. APJ അബ്ദുൾ കലാമിനെ പോലുള്ള പല മഹാന്മാരുടെയും മരണത്തിൽ നാം ജോലി ചെയ്തു ബഹുമാനം സൂചിപ്പിച്ചു. ദശാബ്ദങ്ങൾക്ക് മുൻപ് EMS നമ്പൂതിരിപ്പാട് മുന്നോട്ട് വച്ച ആശയത്തിന് ഇന്നും പ്രസക്തി നഷ്ടപ്പെടാതിരിക്കുന്നു. ആഗോള പ്രാധാന്യമുള്ള ദിനങ്ങളിൽ മാത്രം പൊതു അവധി നൽകുകയും, മറ്റ് ആഘോഷങ്ങളിൽ അർഹതപ്പെട്ടവർക്ക് മാത്രം അവധി നൽകയും ചെയ്യണം എന്നതായിരുന്നു അത്. അവധിങ്ങളുടെ അനാവശ്യകതയെ ക്കുറിച്ച് ഹൈക്കോടതിയും, ശമ്പള ക്കമ്മീഷനും വ്യാകുലപ്പെടുമ്പോൾ ദശാബ്ദങ്ങൾക്ക് ശേഷവും EMS ഇന്റെ വാക്കുകൾക്ക് പ്രാധാന്യമേറെ.
