എണ്ണക്കമ്പനികള് ഇന്ധന വിലയില് നേരിയ വര്ധനവ് വരുത്തിയതിനു പിന്നാലെ ജനങ്ങള്ക്ക് ഇരുട്ടടിനല്കികൊണ്ട് സര്ക്കാര് എക്സൈസ് തീരുവ വര്ധിപ്പിച്ചു . പെട്രോളിന് ലിറ്ററിന് 30 പൈസയും ഡീസലിന് ലിറ്ററിന് 1.17 രൂപയുമാണ് വര്ധിപ്പിച്ചത് . സര്ക്കാരിനു ഇതിലൂടെ 2500 കോടി രൂപയുടെ അധിക വരുമാനമാണ് ലഭിക്കുക .
ക്രൂഡ് ഓയിലിന് 6 വര്ഷത്തെ ഏറ്റവും താഴ്ന്ന വിലയാണ് ആഗോള വിപണിയില് . ഈ വില തകര്ച്ചയെ തുടര്ന്ന് കഴിഞ്ഞ ദിവസം പെട്രോളിന് 50 പൈസയും ഡീസലിനു 45 പൈസയും എന്ന തോതില് നേരിയ വിലക്കുറവു എണ്ണക്കംബനികള് നല്കിയിരുന്നു . അതിനു പിന്നാലെയാണ് സര്ക്കാര് തീരുവ വര്ധിപ്പിക്കുന്നത്. ഫലത്തില് വിലക്കുറവിന്റെ ഗുണം ജനങ്ങള്ക്ക് ലഭിക്കുന്നില്ല എന്ന് മാത്രമല്ല ഡീസലിന് വിലക്കൂടുതലും ഉണ്ടാകും .
25 രൂപയില് താഴെ പെട്രോളിന് വില ഈടാക്കി നല്കാമെന്ന സാഹചര്യം നില നില്ക്കുമ്പോഴും ഇരട്ടിയിലേറെ തുകയ്ക്ക് പെട്രോള്വാങ്ങേണ്ടി വരുന്നത് സര്ക്കാര് ചുമത്തുന്ന അധിക നികുതിയുടെയും എണ്ണ കമ്പനികളുടെ ലാഭക്കൊതിയുടെയും ഫലമായാണ് . കഴിഞ്ഞ ആറാഴ്ചക്കിടെ രണ്ടാം തവണയാണ് എക്സൈസ് തീരുവ വര്ധിപ്പിക്കുന്നത് .ഓരോ പ്രാവശ്യവും എണ്ണകമ്പനികള് ചെറിയ തോതില് വില കുറയ്ക്കുമ്പോള് സര്ക്കാര് തീരുവയും കൂട്ടുന്നതിലൂടെ ജനങ്ങള്ക്ക് ലഭിക്കേണ്ട ആനുകൂല്യം കൊള്ളയടിക്കുകയാണ്. ആഗോളവിപണിയിലെ വിലക്കുറവിനു ആനുപാതികമായി കമ്പനികള് വിലകുറക്കുന്നുമില്ല .
No comments:
Post a Comment