അപകടത്തില് പെട്ട യുവാവിനെ രക്ഷിക്കാന് ശ്രമിക്കുന്നതിനിടയില് ബാണാസുര സാഗറില് മുങ്ങിമരിച്ച ആദിവാസി യുവാവ് ബാബുവിന്റെ കുടുംബത്തിനു ധന സഹായവും കുടുംബത്തിനു ആദരവും നല്കണമെന്ന് സി പി ഐ എം സംസ്ഥാന സെക്രട്ടറി കോടിയേരി ബാലകൃഷ്ണന് അഭിപ്രായപ്പെട്ടു . ഒപ്പനം തന്നെ അപകടത്തില് മരണപ്പെട്ട റൌഫിനും സര്ക്കാര് സഹായം ലഭ്യമാക്കണം അദ്ധേഹത്തിന്റെ ഫെയ്സ് ബുക്ക് പോസ്റ്റിലൂടെ അദ്ദേഹം അറിയിച്ചതാണിത് .
പൂര്ണ്ണമായ ഫെയ്സ് ബുക്ക് പോസ്റ്റ് ചുവടെ വായിക്കാം
ബാണാസുരസാഗറില് അപകടത്തില്പ്പെട്ട യുവാവിനെ രക്ഷിക്കാന് ശ്രമിച്ച് ജീവന്വെടിഞ്ഞ ആദിവാസി യുവാവ് ബാബുവിന്റെ ധീരത പരിഗണിച്ച് ബാബുവിന്റെ കുടുംബത്തിന് അര്ഹമായ സഹായവും ആദരവും നല്കാന് സംസ്ഥാന സര്ക്കാര് തയ്യാറാവണം.
ബി.ടെക് ബിരുദധാരിയായ റൌഫ് അണക്കെട്ടിനു സമീപത്തെ ആഴക്കെട്ടില് കുളിക്കാന് ഇറങ്ങവെ മുങ്ങിത്താഴുന്നതു കണ്ടാണ് ബാബു രക്ഷിക്കാനെത്തിയത്. മറ്റുള്ളവര് വിലക്കിയിട്ടും അത് അവഗണിച്ച് സഹജീവിയുടെ ജീവന് രക്ഷിക്കാന് വെള്ളത്തിലേക്ക് ചാടുകയായിരുന്നു ബാബു. ബാബുവിന്റെ കുടുംബത്തിന് 10 ലക്ഷം രൂപയെങ്കിലും ധനസഹായമായി നല്കണം.
മൂന്ന് ഇളയ സഹോദരിമാരും ഒരു സഹോദരനുമുള്ള നിര്ദ്ധന കുടുംബമാണ് ബാബുവിന്റെത്. കുടുംബത്തിലെ ഒരാള്ക്ക് ജോലി നല്കാനും സര്ക്കാര് നടപടി സ്വീകരിക്കണം.
ഗള്ഫിലേക്ക് പോകാന് തയ്യാറെടുക്കുന്നതിനിടെ അപകടത്തില് മരിച്ച റൌഫിന്റെ കുടുംബത്തിനും സര്ക്കാര് സഹായധനം നല്കണം
No comments:
Post a Comment