സി പി ഐ എം കേരള ജാഥ സംഘടിപ്പിക്കും

സി.പി.ഐ (എം) സംസ്ഥാന കമ്മിറ്റിയുടെ നേതൃത്വത്തില്‍ 2016 ജനുവരി 15 മുതല്‍ ഫെബ്രുവരി 14 വരെ നീണ്ടുനില്‍ക്കുന്ന സംസ്ഥാന പ്രചരണ ജാഥ സംഘടിപ്പിക്കുവാന്‍ തീരുമാനിച്ചു.

കേന്ദ്ര-സംസ്ഥാന സര്‍ക്കാരുകളുടെ തെറ്റായ നയങ്ങള്‍ക്കെതിരെയും അഴിമതിക്കെതിരെയും അക്രമോത്സുകമായ വര്‍ഗീയതയ്‌ക്കെതിരെയും ജനങ്ങളെ അണിനിരത്തുക എന്ന ലക്ഷ്യത്തോടെയാണ്‌ ജാഥ സംഘടിപ്പിക്കുന്നത്‌. പുതിയ കേരളം കെട്ടിപ്പടുക്കുന്നതിനുള്ള കാഴ്‌ചപ്പാടുകളും ഈ ജാഥയിലൂടെ ജനങ്ങളുടെ മുമ്പാകെ അവതരിപ്പിക്കും.

സി.പി.ഐ (എം) പോളിറ്റ്‌ ബ്യൂറോ അംഗം പിണറായി വിജയന്‍ നയിക്കുന്ന ജാഥയില്‍ എം.വി. ഗോവിന്ദന്‍, കെ.ജെ. തോമസ്‌, പി.കെ. സൈനബ, എം.ബി. രാജേഷ്‌, പി.കെ. ബിജു, എ. സമ്പത്ത്‌ എന്നിവര്‍ സ്ഥിരാംഗങ്ങളായിരിക്കുമെന്നും സംസ്ഥാന കമ്മിറ്റി പുറത്ത് വിട്ട പത്ര കുറിപ്പിൽ അറിയിച്ചു.